SLS • Sotziedade pro sa Limba Sarda | BW • Biblioteca Wolf

Carrera de Dante Alighieri 19, 08100 NÙGORO | Oràrios: Martis e Giòvia, h 11,00 12,30
Presidente: Diegu Corràine | Vitzepresidente: Antoni N. Garau | Segretàriu: Lisandru Beccu
Iscrie a sa SLS | Iscrie a sa Biblioteca Wolf


Prima pàgina > CUNCURSOS E PRÈMIOS > Cuncursu de Prosa in Sardu "MÀURU DELEDDA"

Cuncursu de Prosa in Sardu "MÀURU DELEDDA"

mèrcuris 25 ghennàrgiu 2023, de SLS

BANDU de s’EDITZIONE 2023

Su Comitadu organizadore, formadu dae sa FAMÌLIA DE MÀURU DELEDDA · AMIGOS DE MÀURU DELEDDA · SOTZIEDADE PRO SA LIMBA SARDA · PAPIROS EDITZIONES
Bandit su Cuncursu de Prosa in Sardu "MÀURU DELEDDA"
Fundadore in su 1979 de su Prèmiu Casteddu de sa Fae

- Editzione 2023-

Setzione: ROMANZU in Limba Sarda
Regulamentu
—Sas òperas, inèditas, in prosa, in forma de romanzu, devent èssere iscritas in limba sarda e non devent èssere istadas mai premiadas o sinnaladas in àteros cuncursos.
—At a èssere premiadu, cunforma a su pàrrere de sa giuria, su mègius romanzu.
—Su prèmiu pro s’autore de s’òpera chi binchet est:
• s’editzione de s’òpera premiada in unu libru publicadu a contu de su Comitadu organizadore "Cuncursu Màuru Deledda", dae sa sotziedade editoriale Papiros, chi est titulare de sos deretos literàrios pro tres annos dae sa data de publicatzione;
• 30 còpias de su libru imprentadu;
• su diploma de su Cuncursu de Prosa in Sardu "MÀURU DELEDDA" .

Pro cuncùrrere, s’òpera devet èssere iscrita cunforma a sas normas linguìsticas de referèntzia de sa RAS (Delìbera Giunta Regionale n. 16/14 de su 18-4-2006 "Limba Sarda Comuna"). Su comitadu organizadore e sa SLS / Sotziedade pro sa Limba Sarda ant a pòdere sistematizare, si bi nd’at bisòngiu e de acordu cun s’autore, su testu e sa grafia de s’òpera premiada cunforma a sas normas in pessu numenadas.

• S’òpera premiada at a èssere publicada petzi in limba sarda.
• S’òpera e su libru premiadu ant a èssere presentados in una bidda sarda diferente pro cada editzione e in sa bidda in ue istat s’autore.
Sa bidda de s’editzione 2023 at èssere NÙGORO, in ue s’òpera premiada at a èssere presentada su 18 de abrile de su 2023.
• Sas òperas in cuncursu devent èssere a su mancu de 70 pàginas (de 60 caràteres x 30 rias cada una).
Sas òperas devent èssere imbiadas, in 1 còpia imprentada a:
_Segreteria de su "Cuncursu de prosa in sardu Màuru Deledda",
c/o Sotziedade pro sa Limba Sarda, carrera de Dante 19,
08100 NÙGORO , NU

e devent arribbare intro de su 15 de martzu de su 2023.
Intro de sa matessi data, devet arribbare una còpia in formadu WORD de s’òpera in cuncursu a:
sotziedadeprosalimbasarda@gmail.com .
—Sa GIURIA at a èssere formada a su nessi dae 5 espertos de limba sarda.
Sos giurados ant a espressare su giudìtziu issoro, dae 0 a 10, tenende in cunsideru calidade de su lèssicu, curretesa de sa norma de su sardu e originalidade de s’idea e de sa trama.

Nùgoro, 31.1.2023

Diegu Corràine, presidente de sa SLS


Biografia de Màuru Deledda