SLS • Sotziedade pro sa Limba Sarda | BW • Biblioteca Wolf

Carrera de Dante Alighieri 19, 08100 NÙGORO | Oràrios: Martis e Giòvia, h 11,00 12,30
Presidente: Diegu Corràine | Vitzepresidente: Antoni N. Garau | Segretàriu: Lisandru Beccu
Iscrie a sa SLS | Iscrie a sa Biblioteca Wolf


Prima pàgina > OSSERVATÒRIU DE SA LIMBA SARDA > Su cartellu NÙGORO cheret torradu a pònnere in unas cantas essidas/intradas (...)

Su cartellu NÙGORO cheret torradu a pònnere in unas cantas essidas/intradas de sa tzitade

giòvia 25 austu 2022, de SLS

Dae unos 20 annos, NÙGORO est istada sa prima comuna sarda chi at cumintzadu a pònnere sos cartellos in sardu in totu sas essidas e intradas a sa tzitade.
S’idea fiat istada de s’Ufìtziu de sa Limba Sarda de sa Provìntzia de tando, ghiadu dae Diegu Corràine.
Colende sos annos, in carchi intrada/essida, calicunu nche los at catzados, sena chi sa Comuna, sa Provìntzia o àtere apat fatu a manera de ischire de chie fiat sa neghe. Custos entes no ant mancu fatu nudda pro los torrare a pònnere, pro dare unu sinnale de identidade linguìstica a sa tzitade.
E tando, lu naramus nois chi diat tocare a torrare a pònnere su cartellu NÙGORO in s’intrada/essida de Mùghina, chirru a sa Baronia, a Durgali, a Ulìana, a Orgòsolo.